除了不滿發牌慢，商界議員高開賢續為特色老店經營掣肘出聲，指自從澳門獲評為“美食之都”，經濟部門、旅遊部門都對特色老店特別關注。但近年老店一聽到民署個名已經怕怕，“啲查牌鬼又嚟啦，不時嚟查呢樣、查嗰樣，最初嚟查吓火水、石油氣，但係查查吓，呢樣查唔到，就查埋油煙，甚至攞張幾十年前的舊圖則，要求老店還原。呢啲情況，有唔少老店已經飽受折磨。”

    扼殺老店多過扶持

    高開賢稱，部分老店僱主慨嘆“仔女唔肯接手，本來已經做得好辛苦，宜家仲要被民署成日嚟‘滋擾’，覺得咁樣做生意，真係做得好冇尊嚴，覺得政府不近人情，講一套，做一套，咁就叫做扶持？再咁樣落去，老店執下一間又一間，係咪要搞到老店執晒笠先至安樂？”同時，就算傳統老店將店舖整改、裝修翻新，以配合澳門旅遊業發展，但掣肘多多，“因為一整就按新法例要求，到時又係呢樣唔啱，嗰樣唔符合，即係無得郁。”

    當局稱為安全負責

    行政法務司司長陳海帆表示明白，形容本澳作為美食之都，需有特色美食向市民及旅客弘揚飲食文化，亦理解到老店在舊區經營，所處地點由於年代、市區環境改變，難以適應新法律法規的要求。無論如何，對於整體經營安全、食品安全，仍須向市民及店舖負責。“究竟這些老店有冇條件適用現時法律法規？ 在技術上存在咩問題？若做到調整在經濟上有咩支援？”凡此種種，當局將會分析，希望商會協助政府一同做資料搜集及分析，商議特色老店現時普遍遇到的問題。

    倡舊店例勿一刀切

    高開賢認為，既然老店長期以來合法經營，雖然不符合新的法律法規，但亦不能一刀切，建議“舊店按舊例，新店按新例”。

   來源：澳門日報